Канад улсын Элчин сайд болон Бүгд Найрамдахчуудын Олон Улсын Хүрээлэнгийн суурин төлөөлөгчид олон нийтийн дунд явуулсан ээлжит судалгааны ажлынхаа үр дүнг өнөөдөр танилцууллаа.
Энэ удаагийн судалгаагаар өөдрөг үзэл, хөөрөл зогссон, Монголын Засгийн газар юуны түрүүнд ард түмнийхээ санаа зовоосон асуудлуудыг шийдэх бодлого боловсруулж, шийдвэртэй ажиллах ёстой болж байна гэсэн дүгнэлтэд хүрчээ.
Бүгд Найрамдахчуудын Олон Улсын Хүрээлэнгийн Монгол дахь суурин төлөөлөгч Ашлэй Вэйлэн “Өнгөрсөн удаагийн судалгаагаар эдийн засгийн чанартай асуудлууд буюу ядуурал, ажилгүйдэл, үнийн өсөлт гэсэн асуудлуудыг Монголын хамгийн том асуудал гэж үзэж байсан.
Энэ судалгааны онцлог ололт нь зарим хүмүүс агаарын бохирдол болон гадаад өрийг хамгийн тулгамдсан асуудал гэж үзсэн нь сонирхолтой байна. Ерөнхийдөө судалгааг хийснээр нийгэмд маш олон үр нөлөөтэй гэж итгэдэг.
Тухайлбал,
олон нийт, эрх баригч, бодлого гаргагчид мэдээлэл олж авдаг. Ард түмэн юуг хүсч, чухалчилж, санаа зовж байна вэ гэдгийг аль аль талдаа мэдэж авдаг.
Судалгааны давтамжийн хувьд, бидний зүгээс дор хаяж зургаан сар тутамд нэг удаа судалгаа хийж байхыг зорьж байгаа. Удахгүй болох ерөнхийлөгчийн сонгуулийн өмнө дахин нэг судалгаа явуулна. Үүний дараагаар дараагийн судалгааныхаа давтамжийг тодорхойлно” гэлээ.
Судалгаанд Улаанбаатар хот болон 13 аймгийг хамруулж, цаашид дүүрэг болон сумдаар бүлэглэн бүсчилсэн байна. Түүнчлэн суурин болон алслагдсан орон нутгийн иргэдийг хамруулан судалгааг гүйцэтгэжээ.
