Хятадын Хэнань болон Хунань мужид өнгөрсөн дөрөвдүгээр сарын 24, 30-нд дунд сургуулийн биеийн тамирын хичээлийн үеэр хоёр сурагч амны хаалттай гүйснээс болж нас баржээ. Эрүүл мэндийн албаныхны мэдээлснээр тухайн сурагчид амны хаалттай гүйснээс зүрхний шигдээс болсон аж. Улмаар Хятадын Боловсролын яамнаас энэ хичээлийн улиралд гүйх арга хэмжээг цуцалсан байна. Сурагчдын нэгийнх нь аавын мэдээлснээр хүү нь амны хаалттай гүйж байгаад гэнэт гэдрэг саван унасан аж. Тухайн өдөр нартай, агаарын температур +20 хэмтэй байхад сурагчдыг амны хаалттай, гадаа гүйлгэсэн байжээ.
Амны хаалтыг биеийн тамирын хичээлд хүртэл зүүхийг шаардаж байгааг Хятадын иргэд шүүмжилж байна.
Эх сурвалж: Yonhap
