АНУ-ын Тэргүүн хатагтай асан Мишель Обама хуримын ойгоо тохиолдуулан 25 жилийн өмнөх хуримын зургаа нийтэлжээ. Тэрбээр ‘1992 оны 10 дугаар сард болсон бидний хуримын өдөр Барак ханиад хүрчихсэн байсан. Гэхдээ энэ зурган дээр тэгж харагдахгүй. Яагаад ч юм бид сүмийн хонхны өмнө зогсоход ханиад нь ид шидийн мэт үгүй болж, бид бүхэл шөнийн турш бүжиглэсэн. 25 жилийн турш бид нэг нэгнийхээ ажлыг дэмжин, хамтын амьдралаа бүтээхийн тулд хэцүү бүхнийг туулсан ч хөгжилтэй сайхан амьдарсаар л байна. Би энэ зэрлэг аяллыг түүнээс өөр хэн нэгэнтэй хамт туулж байна гэж төсөөлж ч чадахгүй’ хэмээн бичжээ.
