УИХ-ын гишүүн С.Жавхлан маргааш /2017.04.15/ 13.00 цагаас Сүхбаатарын талбай дээр жагсахаар болжээ. Энэхүү жагсаалаа ‘Оффшорчдын эсрэг нэгдсэн хөдөлгөөн’-тэй хамтран зохион байгуулах аж. ‘Оффшорчдын эсрэг нэгдсэн хөдөлгөөн’-ийхөн оффшор данстай эрхмүүдийг эсэргүүцэж жагсах бол эрхэм түшээ маань төсвийн тодотголыг эсэргүүцээд жагсаж байгаа юм. Тэрбээр өчигдөр /2017.04.13/ УИХ-ын чуулган дээр жагсаал хийнэ гэдгээ зарласан билээ. Ингэх болсон шалтгаан нь МАН-ынхан амлалтаасаа ухарч тэтгэврийн насыг нэмсэн, татвар нэмсэнтэй холбоотой хэмээн тайлбарлаж байгаа юм. Иймээс маргааш Сүхбаатарын талбай дээр очиж үг хэлэх аж.
