АНУ-ын ерөнхийлөгч Доналд Трамп саяхан болсон эмэгтэйчүүдийн эрхийн жагсаалын талаар өөрийн бодлоо хэллээ. Уг жагсаалын гол төлөөлөл бол Холливуудын алдарт дуучин Мадонна байсан юм. Тэрээр жагсаалын үеэр: “Тийм ээ, би маш их ууртай байна, Тийм ээ би хилэгнэж байна. Би цагаан ордонд суугаа хүмүүс зүгээр л амныхаа зоргоор бурж байгаад эмзэглэж байна. Гэхдээ энэ бүхэн миний хүслээр өөрчлөгдөхгүй гэдгийг би маш сайн мэдэж байна” хэмээн хэлсэн юм.
Энэ талаар Fox News-ийн сэтгүүлч Sean Hannity ерөнхийлөгчөөс санаа бодлыг нь хуваалцахад, тэрээр: “Үнэндээ бол Мадоннаа дургүй хүрмээр эмэгтэй. Би түүнийг өөрийгөө маш муугаар гэмтээж байна гэж бодож байна. Тэглээ ч тэр манай орны үзэмжит сайхан өнгө төрх байж хэзээ ч чадахгүй хүн юм. Энэ жагсаал цуглаан хэдий болоод өнгөрөх ч гэсэн ирээдүйн 10 настай хүүхдүүд, өсвөр насныханд маш муу үлгэр дуурайлал үзүүлж байгаа юм” хэмээн хэлжээ.
А.Хатангоо
