Харин 2016 оны долоодугаар сарын 5-нд МАХН-ын дарга Н.Энхбаяртай хамт мэдээлэл хийж, “Энэ сонгуулийн үр дүнг зайлшгүй нягтлах шаардлагатай” хэмээн Ерөнхийлөгчтэй уулзана хэмээн зүтгэж байсан нь өдгөө хэвлэлийн хуудаснаа үлджээ. З.Энхболд хариуцлагаа хүлээж намын даргаас огцрохоо мэдэгдсэнээс хойш АН-ын шинэ дарга хэн болох вэ гэх асуулт эзнээ хайсан.
Тэгвэл өдгөө АН-ын даргын сонгуулийн сунгаа орон даяар явагдаж байна. Намын даргын сонгуулийн сурталчилгааны энэ үед буюу хоёрхон хоногийн өмнө /2017.01.14/ З.Энхболд нэгэн мэдэгдэл хийж, олон нийтээс уучлал гуйжээ. Тодруулбал, тэрбээр “АН сонгуульд ялагдсан. Сая $-тойгоо мартатлаа баяжсан Баярцогтоос болж ялагдсан. Түүнийг дэвшүүлэхгүй байх эрхгүй байсандаа уучлал гуйя” хэмээн өөрийн “Твиттер”, “Фэйсбүүк” хуудаснаа бичсэн юм.
Гэсэн хэдий 2016 оны үүнээс долоо хоногийн дараа буюу 2016 оны тавдугаар сарын 28-нд “С.Баярцогтын оффшор дансны асуудал 2013 онд илрээд, одоо оффшор данс байхгүй болсон, хаагдсан. Тийм учраас ҮЗХ-ны хурлаар гишүүд С.Баярцогтыг оффшор данстай гэж үзэх үндэслэлгүй гэж шийдсэн байгаа. С.Баярцогтоос өөр оффшор дансны асуудалд холбогдсон улстөрч манай намд байхгүй” хэмээн мэдэгдэж байлаа.
Эндээс харахад, З.Энхболд хэлсэн ярьснаа мэдэн будилдаг нэгэн болж хувирчээ. С.Баярцогтыг нэр дэвшүүлэхтэй холбоотой асуудалд долоохон хоногийн дотор хоёр өөр байр суурь гаргасан бол сонгуулийн дүнтэй холбоотой мөн л төчнөөн хоногийн хооронд мань эрийн байр суурь солигдоотохсон. Гэтэл одоо нам нь сонгуульд ялагдсан тухайд мөн л өөрөөсөө хөндийрүүлж, С.Баярцогт руу түлхэж орхисон нь энэ. Мань эр өөрөө хэлсэн ярьснаа мартчихдаг учраас бусдыг ч бас өөртөө нь адилхан уймраа гэж боддог бололтойдог шүү.
Г.НАРАН
Эх сурвалж http://www.info.mn
