Би чамд хайртай гэдэг үгний цаана би чамайгаа хүсэл мөрөөдлөөр чинь явахад чинь жигүүр нь болъё гэсэн утга байдаг болов уу. Хайрлахын цаана хамт байхдаа үгүйлэн санаж, харахаар л хажууд минь байгаад нь, хайртай гэдэг үг амнаас минь гарах шалтгаан минь болж байгаад нь талархаж байхад орших боловуу. Тэрнээс биш хайртай гэдэг үгийг халамж гэж андуурч хажуудаа гэрэлтсэн залуу насыг нь бүүдгэр болохыг хүлээхийг хэлэхгүйээ. Энхрийхэн гэрэлтсэн харцанд нь дурлачихаад очыг нь унтраачаад ондоо оргилуун нүд хайж сэтгэлийг нь битгий сэмлээрэй залуус минь. Эр хүн гэж хайрласан бүсгүйгээ анх хайрыг нь татсан бүхнийг нь яг хэвээр нь харахыг хүсдэг юм шиг. Харин Бүсгүй хүн анх өөрийг нь эргүүлсэн мөчөөс гэргий болгох хүртэл халамжилж байсан тэр халамжаа өдөр бүр тийм байгаасай гэж хүсдэг болов уу. Өдөр бүр би нэгнийгээ өөр хүнд алдчихвал яана аа гэж анхааралаа сулруулдаггүй хосууд би мэднэ. Хорвоог хамтдаа туулахын тулд амьдралын хором мөч болгоноо харамлаж, хамтдаа байхдаа бага хугацаа байна гэж хайрынхаа галыг үргэлж өдөөж байгаарай хайрламаар хосууд минь.
