Монгол Улсын Филармонийн гоцлол дуучин Наагий буюу Н.Наранбаатарыг залуусын сэтгэлийг хөвсөлзүүлсэн олон гайхалтай дуугаар нь сонсогчид мэднэ. Тэгвэл дуучин залуу энэ сарын 14-нд ‘Come Fly with Me’ нэртэй тоглолтоо хийхээр болсон. Тэрбээр ‘Come Fly with Me’ нэртэй тоглолтын дуу болгоноор дамжиж, улс улсын хотуудаар ‘нислэг’ хийнэ гэсэн үг л дээ. Жишээлбэл Бразил, Америк зэрэг улс орны дуугаар тухайн газар орон руу ‘нисээд’, эргээд бидний сайн мэдэх ‘Улаанбаатарын үдэш’ дуугаар Улаанбаатар хотдоо газардах жишээтэй. ‘Ер нь бол би энэ хаврыг джаз свинг хөгжмийн хөнгөн эгшгээр хөглөмөөр байна’ хэмээн ярьжээ.
