Дуулиан, шуугианы эзэн, 22 настай дуучин Жастин Бибер мөнгөө үрэхдээ гарамгай, үрэлгэн нэгэн билээ. Саяхан тэрбээр Голландын нийслэл Амстердам хотноо 27 сая еврогоор пентхаус худалдан авчээ. Жилдээ тус хотод тоотойхон морилдог хэрнээ өндөр үнэтэй орон сууц худалдаж авахад нь хүмүүс гайхсан гэнэ. Голландын хааны өргөөний хажууханд оршдог барилгын дээд талын гурван давхрын бүх байрыг худалдан авсан аж.
Тусдаа лифтээр шууд гэр лүүгээ орох бөгөөд 4 угаалгын өрөө, 4 унтлагын өрөө бүхий энэ орон сууц нь хотыг тольдох үлэмж том тагттай гэнэ.
