Өмнөд Солонгосын Пёнчан хотод өвлийн олимпийн XXIII наадмын хаалтын ёслол “Пёнчаны олимпийн цэнгэлдэх хүрээлэн”-д боллоо. Энэ удаагийн өвлийн олимпийн наадамд 92 улс орны 2925 тамирчин оролцсоноос Малайз, Сингапур, Эквадор, Эритрей, Нигер болон Косово улсын тамирчид анх удаа оролцсон юм. Пёнчаны өвлийн олимпийн наадамд нийт 29 улсын баг тамирчид медаль хүртжээ. Өвлийн Олимпийн хаалтын ёслолын үеэр Олон улсын олимпийн хорооны /ОУОХ/ ерөнхийлөгч Томас Бах олимпийн далбааг Бээжин хотын дарга Чэнь Зининд дамжуулан өгсөн байна. Өвлийн олимпийн XXIV наадам 2022 оны хоёрдугаар сарын 4-20-нд Бээжин хотод болох юм.
