Эрчүүд сайхан бүсгүйгээс айдаг долоон шалтгаан:
1. Эрчүүд татгалзсан хариу авах болов уу хэмээн айдаг
Ямар ч эр хүн таалагдсан бүсгүйгээсээ татгалзсан хариу авахаас хамгийн ихээр айдаг гэнэ. Тэр тусмаа гоо бүсгүйгээс ийм хариу авах магадлал эгэл даруу бүсгүйг бодвол өндөр гэж үздэг бололтой.
2. Сайхан хүүхнийг зуун эр эргүүлдэг гэдэгт итгэдэг
Өөрийгөө хүндэлдэг хэн боловч тэдний дунд ороод цохиж явахыг хүсэхгүй биз дээ. Гэхдээ аятайхан бүсгүй чөлөөтэйгээр барахгүй, өөрийг нь харж явдаг гэж толгойд нь огт ордоггүй байна.
3. Гологдохоос эмээдэг
Эрчүүд өөрийн царай зүс, бие хаа, нийгмийн байдал, санхүүгээ чамладаг. Эрэгтэй хүн ч сонин араншинтай улсууд юм даа, зарим талаар бүсгүйчүүдээс долоон дор.
4. Сайхан хүүхэн аль хэдийн эзэнтэй гэж боддог
Нээрээ ийм хүүхэн хаанаас л ганцаараа явав гэж дээ. Өөртэйгээ яг таарсан Юндэнгээ, эсвэл цүндгэр хэтэвчтэй өвгөнийг олоод авсан байлгүй гэж өөртөө итгүүлчихсэн байдаг. Үзээд алдаач дээ!
5. Сайхан хүүхэнд дурлах нь амиа хорлохтой адил гэж боддог
Бодохоор үл барам өөрийгөө, өрөөлийг ч мөн адил итгүүлчихсэн байдаг. Гэхдээ энэ бол сайхан хүүхнээс татгалзсан хариу авсан, эсвэл сайхан хүүхнүүд эрчүүдийг харцаараа хөдөлгөдөг гэж сураг сонссон хүмүүсийн ахархан бодол юм.
6. Хэрэгцээ, шаардлагыг нь дийлэхгүй гэж айдаг
Гоо сайхан байхын тулд эмэгтэйчүүдэд мөнгө хэрэгтэй: үнэтэй салоноор үйлчлүүлэх, ганган тансаг хувцас хунар, фитнес, гоо сайхны хэрэглэл, үнэртэн, гоёл чимэглэл гээд л явж өгнө. Тэгэхлээр эрчүүд анхны уулзалтаас эхлээд л төлбөр хийхээс айдаг.
7. Цорын ганц эр нь байж чадахгүй гэж эмээдэг
Өөртөө итгэлгүй эр хүн үргэлж л өрсөлдөгчдөөс айдаг. Тэдний бодлоор сайхан бүсгүй эрчүүдийг бээлий шиг л сольж байх ёстой юм байхаа.
