Хонь – (3/21-4/19)
Төөрөгдлөөс ангижрах өдөр. Хүрээлэн байгаа бүхэн, бодит байдал таны дотоод мөн чанар, алдаа онооны илэрхийлэл болно. Гэр орны ажлаа амжуулах, үр хүүхэд, хань ижилдээ санаа тавихад цаг зав гаргах нь зүйтэй. Хамаатан садны хүн таниас туслалцаа хүсэх тул заавал тусла.
Үхэр – (4/20-5/20)
Сэтгэл зүрхээ цэвэр ариун, бодол санаагаа цэгцтэй байлгах өдөр. Ямар ч ажилд нэн хариуцлагатай хандаж, эхэлсэнээ дуусгалгүй бүү орхи. Хэт ядрах, сэтгэл санааны хямралд орох нь таагүй үр дагавартай. Засал ном хийлгэх, мөргөл бясалгал үйлдэх, сүм хийдэд очих нь ээлтэй.
Ихэр – (5/21-6/21)
Хянуур байх өдөр. Бичиг баримтад гарын үсэг зурах, ам тангараг өргөхөд муу. Үг яриагаа хяна, хов жив, гүтгэлгээс болгоомжил. Даруу төлөв байж хариуцсан ажилдаа л шамдагтун. Ээж аав, амраг садандаа анхаарал халамж тавьж, туслаж дэмжээрэй.
Мэлхий – (6/22-7/22)
Өөрийгөө таньж мэдэх өдөр. Тиймээс чухал ажил төлөвлөх хэрэггүй. Бүү ядар, ажил амралтаа зохицуул. Үдээс хойш найз нөхөдтэйгээ уулзах, ажил төрөл хөөцөлдөх, шинэ харьцаа холбоо тогтооход тааламжтай. Урлаг уран сайхан гээд бүтээлч салбарт ажиллагсдад бүх талаар сайн. Тэд шинэ сонин зүйл сэднэ.
Арслан – (7/23-8/22)
Аливаа бүхний жинхэнэ мөн чанар тодорно. Шударга үнэнийг эрхэмлэдэг хүнд худь тавилан бэлгээ барина. Энэ нь албан тушаал ахих, шагнал урамшуулал авах, сэтгэлд нийцтэй хүнтэй учрах, орлого ашиг олох гээд амьдралын аль ч хүрээг хамарч мэднэ.
Охин – (8/23-9/22)
Хуучин ажил төрлөө дуусгаж цэгцэл. Өнөөдөр аливааг шинээр хийж эхэлвэл амжилттай. Алхам болгоноо нарийн нягт тооцсон тохиолдолд шүү дээ. Бие хамгаалах урлаг болон спортын бүхий л төрлөөр хичээлэхэд ээлтэй сайн ба таныг эрч хүчээр цэнэглэнэ.
Жинлүүр – (9/23-10/22)
Харьцаа холбоонд ч, ажил үйлст ч ээлтэй. Аливаа зүйлийн үндэс суурийг тавихад, засвар хийж эхлэхэд, шинэ ажил эхлэх буюу шинээр байгууллага байгуулахад сайн. Аян замд явбал санхүүгийн ашигтай.
Хилэнц – (10/23-11/21)
Нууцлаг оршихуй өдөр. Өнөөдөр зөн совин хурцдаж, зүүдэндээ буюу бясалгалын үед ирээдүйгээ харж, өнгөрснөө ухаарна. Санхүүгийн бүхий л ажиллагаа амжилтад хүрнэ. Шинэ эд зүйл худалдаж авах, шинээр харьцаа холбоо тогтооход ээлтэй.
Нум – (11/22-12/21)
Хүчин зүтгэл шаардсан ажлыг барьж авбал бусдын дэмжлэгтэйгээр хурдан дуусна. Удирдлагааас хичээл зүтгэлийг тань үнэлнэ. Аливаа асуудлаар шийдвэр гаргахдаа зөн билэг, дотоод сэтгэл, мэдрэмжээ дага. Өнөөдөр эхлэсэн ямар ч ажлыг дуусгалгүй орхивол дараа дахин зууралдах хэрэг гарна.
Матар – (12/22-1/19)
Сайн өдөр. Шинээр эхлэх ямар ч үйл амжилтанд хүрнэ. Шинэ ажилд орох. гэрээ хэлцэл байгуулах, харилцааны ээдрээг гаргах, учир зүйгээ ололцоход тохиромжтой. Эд зүйл худалдан авах, нүүдэл суудал хийхэд сайн. Санхүүгийн аливаа ажиллагаа амжилтанд хүрнэ.
Бумба – (1/20-2/18)
Аливааг эхлүүлэх, үндэс суурийг нь тавихад сайн. Шинэ найз нөхөдтэй болох, эмчилгээ хийлгэж эхлэх, сурч боловсрох, аян замд гарахад сайн. Садан төрлийн харьцаа холбоо бэхжинэ.
Загас – (2/19-3/20)
Шинэлэг хандлага давамгайлах өдөр. Эерэг сайхан бодол агуулж, бодол сэтгэлээ цэгцэл. Аян замд гарахад сайн. Хөрөнгө оруулалт хийх, санхүүтэй холбоотой ажил үйлсийг эхлэхэд ашигтай.
