Ерөнхий сайд асан Ч.Сайханбилэгийн бие муудаж, өчигдөр Улсын хоёрдугаар төв эмнэлэгт хүргэгдсэн билээ. Түүний биеийн байдлын талаар Улсын хоёрдугаар төв эмнэлгийн захирал Г.Баясгалан мэдээлэл өглөө. Тэрээр хэлэхдээ ‘Ч.Сайханбилэг өчигдөр клиникийн хоёрдугаар нэгдсэн эмнэлэгт мэс заслын эмгэгээс болж хүргэгдэн ирсэн. Өнөөдөр эмч нар үзлэгээр мэс засалд яаралтай оруулах шаардлагатай гэсэн хариу гарсан. Хувь хүний эрүүл мэндийн нууцтай холбоотойгоор өвчний оношийг улс орон даяар зарлах боломжгүй. Биеийн байдал тийм ч хүнд байдалд орчхоогүй байна. Гэхдээ яаралтай мэс засал хийгдэх шаардлагатайн үүднээс маргааш өглөө хагалгаанд орно’ гэв. Эх сурвалжийн мэдээлж буйгаар түүнд шулуун гэдэсний хагалгаа хийхээр төлөвлөж байгаа бололтой. Харин С.Баярын хувьд архаг өвчин сэдэрсэн учир эмчилгээг тодорхойгүй хугацаагаар үргэлжүүлэн хийх шаардлагатай’ гэж мэдэгдлээ.
